Bambi FM 97.7 Live Streaming

Thursday, February 26, 2009

1 patay sa engkwentro sa pagitan ng militar at NPA sa Bayan ng Sablayan

Isang pinaghihinalaang rebelde ang napatay habang ilang mga kasamahan nito ang pinaniniwalaang sugatan sa isang engkwentro sa pagitan ng militar at NPA kahapon Miyerkules Pebrero 25, 2009.
Ang engkwentro ay naganap sa Sitio Pusog, Barangay Ligaya, Sablayan ganap na 6:30 ng umaga.
Sa panayam ng Bambi FM sa programang TAPATAN kay Lt. Col. Arnulfo Burgos, Commanding Officer ng 80th Infantry Batallion ng Phil. Army, sinabi nito na nagtagal ng 30 minuto ang sagupaan sa pagitan ng militar at tinatayang 20 rebeldeng NPA.
Isa naman ang sugatan sa panig ng militar na agad pinadala sa V. Luna Hospital.
Nasundan ang engkwentro kahapon sa Sitio Bingag, Concepcion Calintaan.
Narekober ng militar ang katawan ng di pa nakikilalang rebelde at m16 rifle, apat na mobile phones, grenades at mga subersibong dokumento.
Mariboy Ysibido

Tuesday, February 17, 2009

Board Member Randy Ignacio at Prov'l Assistant Agriculturist Peter Alfaro, sumuko na sa batas


Matapos ang halos anin na buwang pagtatago sa batas, sumuko sa mga awtoridad kahapon ng umaga Pebrero 16, 2009 ganap na alas 8:00 ng umaga sila Board Member Randolph "Randy" Ignacio, dating bokal at ngayon ay Provincial Asst. Agriculturist Peter Alfaro at Gaspar Bandoy Sr. close in security ni Former Mayor Joel "big J" Panaligan ng Mamburao.
Sa bisa ng warrant of arrest na inisyu ni Judge Ulysses Delgado RTC branch 44 Mamburao noong Setyembre 2008 sa kasong "Serious Illegal Detention" na isinampa sa kanila ng mga kaanak ni Romulo De Jesus Jr., isang public school teacher sa nabanggit na bayan.
Matatandaang sinampahan ng kasong Serious Illegal Detention sila Ignacio, Alfaro, Bandoy at Atty. Judy Lorenzo ng COMELEC sa ginawa nilang illegal na pag kulong kay De Jesus, kasagsagan ng bilangan noong 2007 local election. May mga hawak di umanong pekeng balota si De Jesus at involved sa ballot switching kaya nila ito ikinulong.
Ang tatlo ay sinamahan ni PNP PD P/Supt. Caessar Daniel T. Miranda sa kanilang pagsuko sa RTC branch 44 sa bayan ng Mamburao.
Nakakulong na sa Mamburao Provincial Jail sila Ignacio, Alfaro at Bandoy habang nakakalaya pa si Atty. Judy Lorenzo ng COMELEC. Walang inirekomendang bail ang korte sa kanila dahil heinous crime ang Serious Illegal Detention. Mariboy Ysibido



Friday, February 6, 2009

Alex del Valle, nahaharap sa kasong pangingikil

Ika-4 ng Pebrero 2009 ng nadakip sa pamumuno ng Chief of Police ng Mamburao na si Capt. Rollyfer Capoquian ang isang Media Practitioner at Kagawad ng Brgy. San Roque, San Jose na si Ginoong Alex del Valle sa isang entrapment operation sa Hotel MindoreƱos kung saan naganap ang abutan ng mark money na nagkakahalaga ng Php 100,000.00. Ang nasabing halaga ay kanyang hiningi umano sa kasalukuyang Brgy. Captain ng Brgy. Bubog, San Jose na si Jose T. Villarosa (dating gobernador at kongresista ng Occidental Mindoro).

Tinangka umanong kikilan ni Alex del Valle si Villarosa ng halagang 100,000 kapalit ng pananahimik at hindi pagbanat nito kay Villarosa sa kanyang programa "Sa totoo lang" sa DZVT radio station.

Sa panayam ng TAPATAN kay Villarosa, sinabi umano ni del Valle na ang kabayarang 100,000 ay hanggang bago mag eleksyon lamang at iba pa sa eleksyon. Sinabi rin umano ni del Valle na para din ito sa pag-aayos nila at para na rin sa "peace of mind" ng biktima.

Nakapagpyansa diumano si Alex del Valle ng nagkakahalagang 100,000 para sa pansamantalang kalayaan.